Дэпутат Дзярждумы хоча, каб беларусы ўдзельнічалі ў выбарах прэзідэнта Расеі
15- 24.02.2014, 16:54
- 2,820
У КПРФ падрыхтавалі праект закона, які дазваляе ўдзельнічаць у выбарах прэзідэнта Расеі грамадзянам Беларусі.
"Мы падрыхтавалі папраўкі ў артыкул 38-ы Канстытуцыі, якія дазволяць удзельнічаць у выбарах прэзідэнта РФ не толькі грамадзянам Расеі, але грамадзянам Беларусі", - заявіў у панядзелак на пасяджэнні фракцыі КПРФ у Дзярждуме дэпутат Іван Нікітчук.
"Ёсць Саюзная дзяржава Расеі і Беларусі, чаму б нам не ўраўнаваць правы яе грамадзян? І там ёсць разумныя людзі, і тут",- сказаў ён агенцтву "Інтэрфакс".
Кіраўнік фракцыі Сяргей Рэшульскі параіў аўтару дадзенай ініцыятывы перадаць праект закона на разгляд у сакратарыят ЦК КПРФ.
"Ён знойдзе водгук у многіх сэрцах нашых грамадзян", - ацаніў праект закона Рэшульскі.