Домрачава: Цяпер галоўнае жаданне - адпачыць
9- 24.02.2014, 18:59
- 3,900
Трохразовая алімпійская чэмпіёнка вярнулася ў Менск.
Дар'я Домрачава пасля прылёту ў Нацыянальны аэрапорт прызналася журналістам, што цяпер адным з самых вялікіх яе жаданняў з'яўляецца жаданне добра адпачыць, паведамляе БелТА.
"Цяпер галоўнае жаданне - проста адпачыць. Легчы на ложак і не рухацца", - сказала алімпійская чэмпіёнка.
Дар'я Домрачава распавяла, што прысвячае свае перамогі маме і Беларусі.
"Я яшчэ не ў поўнай меры адчула ўсю тую адказнасць, якая легла на мае плечы, але добра разумею, што павінна годна несці гонар алімпійскай чэмпіёнкі", - адзначыла яна.
Сёння ў Менск вярнулася алімпійская каманда Беларусі. З Нацыянальнага аэрапорта Менск спартоўцы адправіліся на плошчу Перамогі, дзе ўскладуць кветкі да манумента Перамогі.