Крыміналісты вызначылі кропкі абстрэлу Майдана (Відэа)

Эксперты збіраюць доказы, якія могуць быць выкарыстаныя для прыцягнення вінаватых да адказнасці.

Група брытанскіх экспертаў-крыміналістаў працуе ва Украіне, дапамагаючы ва ўстанаўленні адказных за стральбу ў Кіеве на мінулым тыдні, паведамляе 25 лютага тэлерадыёвяшчальная карпарацыя ВВС.

Па словах экспертаў, яны збіраюць доказы, якія могуць быць выкарыстаныя для прыцягнення вінаватых да адказнасці, піша «Корреспондент».

«Мы ўстанаўліваем пазіцыі снайпераў і тых, хто адказны за гібель людзей у гэтай зоне», - сказаў адзін з крыміналістаў.

Група экспертаў наведала месцы сутыкненняў на Майдане і ўжо вызначыла чатыры пазіцыі, з якіх снайперы стралялі па пратэстоўцах. Эксперты не захацелі называць сваіх імёнаў, а брытанскі МЗС адмовіўся пацвердзіць удзел брытанцаў у расследаванні.

Палітычны крызіс пачаўся на Украіне ў канцы лістапада 2013 года, калі Кабмін абвясціў аб прыпыненні еўраінтэграцыі. Масавыя акцыі прайшлі па ўсёй Украіне і ў студзені выліліся ў сутыкненні з міліцыяй.

Маштабныя вулічныя беспарадкі аднавіліся 18 лютага, у выніку загінулі больш за 100 чалавек, амаль 700 пацярпелі.