На скрыжаванні ў Бярозе сутыкнуліся красовер і міліцэйскі Opel

ДТЗ з удзелам міліцэйскай машыны здарылася ў мінулую суботу ў горадзе Бярозе.

Усё адбылося на рэгуляваным скрыжаванні. Як заўсёды, галоўнае пытанне, якое ўзнікае пры вывучэнні аварый з удзелам аўтамабіляў спецтранспарту, - ці былі ўключаныя сігналізацыя і пробліскавыя маячкі. Словы відавочцаў у дадзеным выпадку разыходзяцца, піша onliner.by.

Ад удару абедзве машыны апынуліся за межамі праезнай часткі: Pontiac Vibe вылецеў на газон, Opel Vectra - на тратуар. На шчасце, ніхто не пацярпеў, але аўтамабілі атрымалі сур'ёзныя пашкоджанні. Версіі жыхароў Бярозы сыходзяцца ў адным: красовер рухаўся на зялёны сігнал. У астатнім жа словы відавочцаў адрозніваюцца ў ключавых аспектах. Адны сцвярджаюць, што патрульная машына ехала з уключанымі маячкамі чырвонага колеру. Іншыя - што кіроўца Opel перавысіў хуткасны рэжым, маячкі не працавалі, а іх ўключылі ўжо пасля сутыкнення. Яснасць унеслі ў прэс-службе ДАІ Брэсцкай вобласці.

«Патрульная машына ехала на выклік, - распавяла Наталля Сахарчук, начальнік прэс-службы ДАІ Брэсцкай вобласці. - Рухалася з уключанымі чырвонымі і сінімі маячкамі, гукавой сігналізацыяй. Жанчына на Pontiac па нейкай прычыне не звярнула на гэта ўвагу і працягнула рух праз скрыжаванне ў прамым кірунку. Адбылося бакавое сутыкненне. Усе людзі, якія знаходзіліся ў абодвух аўтамабілях, былі прышпіленыя, таму траўмаў атрымалася пазбегнуць».

У Дзяржаўтаінспекцыі нагадалі: па ПДР, пры набліжэнні машыны аператыўнага прызначэння з уключаным маячком сіняга колеру кіроўцы незалежна ад кірунку іх руху павінны саступіць дарогу і забяспечыць бесперашкодны праезд.