«Цмокі-Мінск» скасавалі кантракт з трэнерам Кайрысам

«Цмокі-Мінск» скасавалі кантракт з літоўскім спецыялістам Данальдасам Кайрысам.

Супрацоўніцтва спынена па ўзаемнай згодзе бакоў. Пакідае беларускі клуб і асістэнт Кайрыса Арвідас Страўпіс. Што да вызваленай пасады, то яе зойме Андрэй Крыванос, які з 2008 па 2013 гады ўжо выконваў абавязкі рулявога каманды і прывёў яе да пяці чэмпіёнскіх тытулаў і чатырох Кубкаў краіны, піша by.tribuna.com.

Пад кіраўніцтвам прыбалтыйскага настаўніка «Цмокi» заваявалі Кубак Беларусі, упершыню ў гісторыі беларускага баскетбола прабіліся ў плэй-оф кантынентальнага топ-турніру («Еўрачэленджа») і перапісалі рэкорд перамог на міжнароднай арэне за сезон.

Фота: AP