На Майдане адкрылі расейскую амбасаду
1- 25.02.2014, 11:41
- 3,121
Расейскі Камітэт салідарнасці з Майданам абвясціў пра намер падтрымліваць самыя цесныя сувязі з народнай уладай, якая сфармавалася ва Украіне.
24 лютага Камітэт салідарнасці з Майданам, які аб'яднаў у Расеі грамадзянскіх актывістаў, неабыякавых да падзей, што адбываюцца ва Украіне, абвясціў аб адкрыцці на Майдане расейскай амбасады. Гэтую ідэю таксама падтрымалі розныя палітычныя і грамадскія арганізацыі, піша inonews.ru.
Палатка амбасады была ўсталяваная на скрыжаванні вуліц Крэшчацік і Інстытуцкая ў Кіеве, у іншых рэгіёнах Украіны плануецца адкрыць прадстаўніцтвы і консульствы.
Насуперак расейскай дзяржаўнай прапагандзе, у сталіцы Украіны няма ніякіх русафобскіх настрояў.
- Адносіны з украінскімі калегамі самыя цёплыя, многія дапамагалі нам пры адкрыцці амбасады. Настроі тут у адносінах да Расеі толькі адны - антыпуцінскія, - пракаментаваў сябра Расейскага Камітэта салідарнасці з Майданам Міхаіл Аншакоў.
Расейская амбасада на Майдане стане аказваць дапамогу расейцам, прадстаўнікам расейскіх СМІ і грамадскіх арганізацый падчас іх знаходжання на Майдане. У планах - устанавіць прамыя сувязі паміж апазіцыянерамі Украіны і Расеі, якія змагаюцца з рэжымамі крымінальнай акупацыі. Акрамя культурнага абмену і развіцця народнай дыпламатыі, расейскія грамадскія дзеячы маюць намер аказаць гуманітарную дапамогу пацярпелым падчас рэвалюцыйных падзеяў ва Украіне.
- Гэта наш асобны праект - збор дапамогі сем'ям загінулых і пацярпелым ва Украіне, - растлумачыў Анашкоў.
Палатка ўжо ўсталяваная, вырашаныя ўсе арганізацыйныя пытанні, і амбасада пачала працу.