Пуцін абмеркаваў сітуацыю ва Украіне з членамі Савета бяспекі

Прэзідэнт Расеі Уладзімір Пуцін правёў аператыўную нараду з пастаяннымі членамі Савета бяспекі РФ.

Пра гэта паведаміў прэс-сакратар кіраўніка дзяржавы Дзмітрый Пяскоў, паведамляе ІТАР-ТАСС.

"У ходзе нарады абмеркаванне галоўным чынам сфакусавалася на развіцці сітуацыі на Украіне", - удакладніў ён.

У нарадзе ўзялі ўдзел прэм'ер-міністр РФ Дзмітрый Мядзведзеў, кіраўнік адміністрацыі Крамля Сяргей Іваноў, спікеры абедзвюх палат парламента Валянціна Мацвіенка і Сяргей Нарышкін, сакратар Савета бяспекі Мікалай Патрушаў і яго намеснік Рашыд Нургаліеў, міністры ўнутраных спраў Уладзімір Калакольцаў, замежных спраў Сяргей Лаўроў, абароны Сяргей Шайгу, а таксама кіраўнікі ФСБ Аляксандр Бортнікаў і СВР Міхаіл Фрадкоў.