Прапагандыста Кісялёва ў Расеі прызналі дэзынфарматарам

У Расеі прызналі праграму Дзмітрыя Кісялёва аб разгоне ўкраінскага Еўрамайдана «прамой дэзынфармацыяй».

Апублікаваны поўны тэкст рашэння Калегіі па скаргах на праграму «Вести недели» і яе вядучага Дзмітрыя Кісялёва, піша zn.ua.

На пасяджэнні Грамадскай калегіі па скаргах на прэсу калегія разгледзела скаргу Камісіі па журналісцкай этыцы (Украіна, Кіеў) у асобе старшыні Камісіі Уладзіміра Маставога на праграму «Вести недели» (тэлеканал «Россия-1») і яе вядучага Дзмітрыя Кісялёва ў сувязі з выхадам у эфір сюжэту «Украінскае веча» (выпуск ад 08.12.2013).

У рашэнні гаворыцца, што Калегія лічыць абгрунтаваным абвінавачванне заяўнікам аўтара і вядучага праграмы «Вести недели» у свядомым парушэнні храналагічнага парадку падзей 30 лістапада - 1 снежня 2013 года. Мяркуючы тыдзень дастатковым тэрмінам для падрыхтоўкі матэрыялу дакладнага і добрасумленнага, у якім няма фальшывага адказу на істотнае пытанне аб тым, які з бакоў супрацьстаяння першым ужыў сілу, Калегія разглядае тую акалічнасць, што «сілавы разгон мірнай акцыі пратэсту на Майдане Незалежнасці, які адбыўся 30 лістапада», у праграме ад 8 снежня быў «прадстаўлены як следства дзеянняў правакатараў падчас акцыі пратэсту каля адміністрацыі прэзідэнта, якія, на самой справе, адбывалася 1 снежня», дэзынфармацыяй, адрасаванай расейскаму тэлегледачу, расейскай грамадскай думцы.

Калегія знаходзіць звязаную з гэтай «блытанінай», але адрасаваную ўкраінскаму тэлегледачу рэпліку Кісялёва ў праграме ад 15 снежня 2013 года («Я шчыра хачу выказаць удзячнасць гледачам праграмы «Вести недели» ва Украіне, якія звярнулі ўвагу на нашы памылкі ў мінулую нядзелю. Ну, схлусілі, што, зрэшты, ніяк не адмяняе логікі кіеўскіх беспарадкаў») хітрасцю, разлічанай, на неразуменне сэнсу сказанага большасцю расейскіх тэлегледачоў. Прапусціўшы міма вушэй «памылкі», тэлегледачы выпусцілі з-пад увагі і сам прадмет «блытаніны».

Калегія лічыць паказальным тое, што ні выразнага апавяшчэння аб здзейсненым падмене факту выдумкай, ні добрасумленнай ацэнкі «памылкі», ні, тым больш, выбачэнняў за ўвядзенне ў зман дзесяткаў мільёнаў людзей як расейскія, так і ўкраінскія тэлегледачы ад Кісялёва не дачакаліся. Гэта акалічнасць пацвярджае выснову эксперта К.А. Назарацян аб тым, што ні каштоўнасць праўды, ні каштоўнасць сумленнасці не з'яўляюцца істотнымі для «творчасці» аўтара і вядучага праграмы «Вести недели».

Акрамя таго, знаходзячы сітуацыю пашырэння і ўмацавання прысутнасці прапаганды ў сферы масавай інфармацыі Расеі ненармальнай, Калегія лічыць неабходным звярнуць на яе ўвагу журналісцкай супольнасці, сродкаў масавай інфармацыі як на репутацыйную рызыкоўную для добрасумленнай журналістыкі. І ўжо па гэтай прычыне яна заслугоўвае як сур'ёзнай прафесійнай дыскусіі , так і грамадскага маніторынгу.

Нагадаем, у лютым 2014 «за дасягнутыя працоўныя поспехі, значны ўклад у сацыяльна-эканамічнае развіццё Расеі, заслугі ў гуманітарнай сферы, умацаванні законнасці, абароне правоў і інтарэсаў грамадзян, шматгадовую і добрасумленную працу» прэзідэнт Расеі Уладзімір Пуцін узнагародзіў Кісялёва ордэнам «За заслугі перад Бацькаўшчынай» IV ступені.