Калгасы запазычылі «Белнафтахіму» і Мінпраму амаль 2 мільярда рублёў

Беларускія сельгасарганізацыі залазяць у чарговыя пазыкі.

Канцэрн «Белнафтахім» заяўляе, што фактычна падаў беспрацэнтны таварны крэдыт беларускім сельскагаспадарчым арганізацыям краіны і прадпрыемствам Мінпрама.

«На пачатак 2014 года сельскагаспадарчыя арганізацыі запазычылі канцэрну за адгружаныя ўгнаенні, шыны і нафтапрадукты Br1 147 млрд, а прадпрыемствы Мінпрама маюць абавязак перад ААТ «Белшына» ў памеры Br750 млрд», - паведамляе прэс-служба «Белнафтахіма».

Дэбіторскую запазычанасць, спагнанне якой немагчыма па не залежных ад канцэрна прычынах, у «Белнафтахіме» назвалі «фактычна безадсоткавым таварным крэдытам з боку арганізацый канцэрна».

У той жа час, паводле інфармацыі прэс-службы, агульны паказчык дэбіторскай запазычанасці канцэрна складае ўсяго толькі 8% у дэбіторскай запазычанасці краіны. Доля пратэрмінаванай знешняй дэбіторскай запазычанасці канцэрна складае 5% у агульнарэспубліканскай пры 44-адсоткавай удзельнай вазе экспарту канцэрна ў агульным беларускім экспарце за 2013 год. «Прычым асноўная доля агульнай дэбіторскай запазычанасці арганізацый канцэрна прыпадае на авансавыя плацяжы і акрэдытывы (40%) пад абсталяванне ў рамках рэалізацыі інвестыцыйных праектаў (18%); сыравіну (4%); БМР, пад цепла- і электраэнергію (18%)», - адзначылі ў «Белнафтахіме».