Жыхарка Рэчыцы пяць разоў здала чужую кватэру з гаспадарамі

Рэчыцкая махлярка нажываецца на фіктыўнай здачы жылля.

Жанчына, вызваліўшыся з калоніі, прынялася энергічна здаваць жыллё, якое належыць блізкім. За некалькі месяцаў атрымала ад пецярых кватэранаймальнікаў, якія не падазравалі адзін пра аднаго, 25 мільёнаў рублёў. Для ўладальнікаў жылля гэта таксама стала сюрпрызам. Пра некаторыя дэталі афёры піша газета «Дняпровец».

Жанчына нядаўна вызвалілася з месцаў пазбаўлення волі. Адбывала пакаранне за махлярства пры здачы кватэры. І зноў прынялася за старое.

Па дадзеных Рэчыцкага райаддзела Следчага камітэта, на працягу красавіка-верасня 2013 года яна на падставе здачы пацярпелым усё той жа кватэры сабрала з пецярых кліентаў больш за 25 мільёнаў рублёў у рознай валюце. Пры гэтым выканаць абавязацельствы не магла фізічна. Па-першае, памяшканне займалі блізкія ёй людзі. Па-другое, здавала яна кватэру на адны і той жа час. Па-трэцяе, не з'яўлялася ўласнікам.

Акрамя таго, увайшоўшы ў давер да некаторых з пацярпелых ужо як знаёмая, пад выдуманымі падставамі назаўжды «займала» ў іх грошы.

Даволі буйныя сумы перадаваліся проста так. У лепшым выпадку дама пісала распіску, часам падпісваючыся выдуманым імем. Пацярпелыя не спрабавалі пацікавіцца яе дакументамі. Ніхто не настаяў на заключэнні дамовы.

Крымінальная справа накіраваная ў суд.