У цэнтр Севастопаля прыгналі расейскі БТР
5- 25.02.2014, 17:50
- 2,981
На плошчы Нахімава ў цэнтры Севастопаля відавочцы заўважылі бронетранспарцёр.
Ён праехаў па вуліцы Леніна і заехаў у двор культурна-дзелавога цэнтра Дом Масквы, пішуць «Севастопольские новости».
Ваенную тэхніку прыгналі для ўзмацнення аховы аб'ектаў Чарнаморскага флоту Расеі, у прыватнасці, будаўнічага ўпраўлення, якое размяшчаецца на плошчы Нахімава. На днях на ўездзе ў Севастопаль таксама былі заўважаныя супрацьтанкавыя вожыкі.
Крыніца, блізкая да кіраўніцтва Чарнаморскага Флота, пацвердзіла карэспандэнту мясцовага сайта ForPost, што «сапраўды, адбываюцца перамяшчэнні асобнай тэхнікі ў рамках антытэрарыстычных мерапрыемстваў для ўзмацнення абароны аб'ектаў РФ».