Людзі, якія зрабілі Майдан
25- 25.02.2014, 18:54
- 6,026
Хто яны - героі ўкраінскай рэвалюцыі?
У фотапраекта Валянціны Пічыні аб кіеўскіх майданаўцах на NBC News вы ўбачыце звычайных людзей: прадаўцоў, ахоўнікаў і школьных настаўнікаў, якія кінулі ўсё і адправіліся на Еўрамайдан дзеля надзеі на светлую будучыню.
1. Гэты мужчына ўбачыў праз тэлевізар сюжэты пра пратэсты і наважыў адправіцца ў Кіеў, каб узяць у іх удзел. Дагэтуль ён працаваў будаўніком у Львоўскай вобласці, а цяпер патрулюе кіеўскі Майдан.
2. Дэманстрант прымярае газ-маску. Майданаўцам дапамагаюць самыя розныя людзі, ахвяруючы харчы, цёплыя рэчы, старое вайсковае адзенне, амуніцыю, сродкі абароны ды іншыя патрэбныя рэчы.
3. Тройца з майданаўской каманды «Мядзведзі». Гэтыя прафесійныя ахоўнікі трэнуюць іншых пратэстоўцаў, навучаючы іх тактыцы, патрэбнай для ўдзелу ў партызанскім канфлікце. Яны падтрымліваюць дэманстрантаў з самага пачатку супрацьстаяння з уладай.
4. Яшчэ адзін будаўнік. Ён прызнаўся аўтару праекта, што за апошнія некалькі месяцаў рэгулярна недасыпае. Падчас наймацнейшых сутычак з прадстаўнікамі правапарадку патруляваў барыкады, прылеглыя да вуліцы Грушэўскага.
5. Гэты маладзён - будаўнік з невялікага паселішча на Валыні, заходняга рэгіёну Украіны.
6. Хлопец нясе кветкі і торт, каб адсвяткаваць дзень нараджэння сяброўкі на Майдане. У роднай Вінніцы ён працаваў прадаўцом у супермаркеце. А цяпер ён змагар за свабоду.
7. Святар Украінскай Праваслаўнай Царквы з кіеўскага храма Святога Мікалая. Ён далучыўся да пратэстаў, як толькі пачуў пра іх, і быў уражаны колькасцю людзей, што прыйшлі на Майдан, каб змагацца за свабоду.
8. Пенсіянер з Заходняй Украіны. Працягвае барацьбу свайго бацькі, які скончыў свае дні ў Сібіры, куды яго саслалі на 22 гады за тое, што ён змагаўся за незалежнасць Украіны. Цяпер ягоны сын змагаецца за свабоду для наступных пакаленняў. На ім - бронекамізэлька з «варожага» пляча.
9. Прадавачка супермаркета з Сумаў. Прызнаецца, што была ўзрушаная, калі ўпершыню патрапіла на Майдан і ўбачыла, наколькі арганізаваныя пратэстоўцы, усё тут уладкавана, як у вайсковым лагеры. Яна сказала, што гатовая памерці за сваю краіну, калі гэта спатрэбіцца.
10. Ветэран вайны ў Афганістане. Ён прыбыў у Кіеў, каб навучыць дэманстрантаў самаабароне, і цяпер працуе на Майдане з групай былых вайскоўцаў.
11. Былы школьны настаўнік у Доме Прафзвязаў - штабе Еўрамайдана. Прызнаецца, што быў уражаны той жорсткасцю, якую выявіў «Беркут» пры спробах разгону пратэстоўцаў.
12. 20-гадовы чыгуначны рабочы з Чаркаскай вобласці здзівіўся ўласнай смеласці падчас вулічных баёў.
13. Львовец патрулюе вуліцы побач са стадыёнам «Дынама», дзе прайшло нямала жорсткіх сутычак паміж дэманстрантамі і ўрадавымі сіламі. У звычайным жыцці ён працуе ў IT.
14. Жыхар Вінніцы, працуе ахоўнікам і прыбыў на Майдан ў самым пачатку пратэстаў. Ён быў перакананы, што мітынгоўцы перамогуць у сваёй барацьбе за свабоду.
15. Майданавец з Вінніцы на перадавой лініі на вуліцы Грушэўскага. У звычайным жыцці ён - мастак і фатограф. Сказаў, што яго палохае жорсткасць беспарадкаў і жывёльная нянавісць урадавых сіл.
16. Ветэран Афганістана сярод іншых трэнаваў і трэнуе майданаўцаў дзейснаму супрацьстаяння урадавым сілам.
17. Дзяўчына з правай фракцыі «Звяз Вікінгаў» да пачатку пратэстаў навучалася на факультэце гісторыі. Сама яна з Кіева і была гатовая змагацца да канца ў гэтай вайне за вольнасць, як украінцы рабілі гэта раней.
18. Мікалай - ураджэнец Крыму.
19. Гэты майданавец з Ільвова вучыцца на кухара і хоча пераехаць у Польшчу, каб скончыць навучанне. Ён падзяляе свае думкі аб свабодзе з тымі, хто прыйшоў на Майдан, каб вызваліць краіну ад карумпаванага ўрада.
20. Гэты юнак патруляваў перадавую лінію падчас непарадкаў на вуліцы Грушэўскага, дзе дэманстранты паставілі барыкады з шын, цэглы і снегу. Ён кажа, што для дэманстрантаў адзінае выйсце з гэтай сітуацыі - перамога.
21. Ветэран вайны ў Афганістане з Днепрапятроўска. Працаваў дырэктарам дзіцячай паліклінікі і як сумяшчальнік у ахоўным агенцтве.
Пераклад: bigpicture.ru