Загадчык гаспадаркі Януковіча знайшоўся ў Італіі
7- 26.02.2014, 13:54
- 2,899
Былы старшыня Дзяржаўнага ўпраўлення справамі пры прэзідэнце Украіны Андрэй Кравец быў знойдзены ў Італіі.
Пра гэта паведаміў грамадскі дзеяч Барыс Наважылаў на сваёй старонцы ў «Фэйсбуку».
«Сябры! Добрая навіна. Ён знайшоўся. Кіраўнік справамі (загадчык гаспадаркі) Дзяржаўнага ўпраўлення справамі пры прэзідэнце Украіны Януковічы Кравец Андрэй, вылецеў у Мілан і знаходзіцца на тэрыторыі Італіі», - напісаў актывіст.
Ён звярнуўся да СБУ і МУС і паведаміў, што за месцазнаходжаннем Краўца сочаць яго сябры, паведамляе Еспресо.TV.
Нагадаем, экс-прэзідэнт Украіны Віктар Януковіч абвешчаны ў вышук. Пра яго месцазнаходжанне паступаюць супярэчлівыя звесткі.