Навальнага хочуць адправіць пад хатні арышт
1- 26.02.2014, 17:40
- 3,002
Следчы камітэт Расеі папрасіў суд заключыць пад хатні арышт аднаго з лідараў апазіцыі Аляксея Навальнага.
Як заявілі ў СК, ён не раз парушаў падпіску аб нявыездзе, а таксама здзейсніў адміністрацыйнае правапарушэнне і быў арыштаваны, піша РІА «Новости».
Зараз Аляксей Навальны знаходзіцца ў ізалятары часовага ўтрымання. Яго арыштавалі на сем сутак за ўдзел у акцыі ў падтрымку фігурантаў «балотнай справы», якая адбылася 24 лютага.
Акрамя таго, Аляксей Навальны знаходзіцца пад следствам: яго абвінавачваюць у махлярстве пры заключэнні кантрактаў з расейскай «дачкой» кампаніі «Іў Рашэ». Па гэтай справе апазіцыянер знаходзіцца пад падпіскай аб нявыездзе.