Януковіч і Захарчанка абвешчаныя ў міжнародны вышук
5- 26.02.2014, 19:26
- 2,584
Экс-прэзідэнт Украіны Віктар Януковіч і экс-кіраўнік МУС Віталь Захарчанка абвешчаныя ў міжнародны вышук.
Пра гэта заявіў в.а. генпракурора Алег Махніцкі на брыфінгу ў чацвер у Кіеве, паведамляе «Інтэрфакс».
«Януковіч абвешчаны ў міжнародны вышук, гэтым займаецца асобная следча-аператыўная група», - сказаў ён.
В.а.генпракурора таксама сказаў, што ў міжнародны вышук аб'яўлены таксама і экс-міністр унутраных спраў Віталь Захарчанка.
У сваю чаргу першы намеснік генпракурора Украіны Мікалай Галомша заявіў, што Януковіч і Захарчанка могуць знаходзіцца ва Украіне.
«У нас ёсць інфармацыя, што яны яшчэ могуць знаходзіцца ва Украіне», - сказаў Галомша.
Паводле звестак генпракуратуры, Януковіч і Захарчанка абвінавачваюцца паводле арт.365 Крымінальнага кодэкса Украіны (Перавышэнне ўлады або службовых паўнамоцтваў - караецца папраўчымі работамі на тэрмін да 2 гадоў ці абмежаваннем волі на тэрмін да 5 гадоў, або пазбаўленнем волі на тэрмін ад 2 да 5 гадоў, з пазбаўленнем права займаць пэўныя пасады або займацца пэўнай дзейнасцю на тэрмін да 3 гадоў) і арт.115 КК Украіны (Наўмыснае забойства - караецца пазбаўленнем волі на тэрмін ад 7 да 15 гадоў.
Фота: Reuters