ААЦ забараніў продаж антывірусаў

У Беларусі прыпынены продаж антывіруснага праграмнага забеспячэння.

Гэта зроблена ў сувязі з уступленнем у дзеянне загаду Аператыўна-аналітычнага цэнтра пры Лукашэнку ад 17 снежня 2013 г №94. Дакумент уступіў у дзеянне 1 студзеня, піша БелТА.

У адпаведнасці з дакументам антывіруснае ПА падлягае дадатковай сертыфікацыі. Акрамя таго, разам са сродкамі праслухоўвання, абароны ад праслухоўвання, сродкамі крыптаграфічнай абароны інфармацыі і іншымі абавязковай сертыфікацыі падлягаюць маршрутызатары і сістэмы кіравання сайтамі.

Прыпыненая рэалізацыя прадуктаў «Лабараторыі Касперскага», вытворцы праграм «ВірусБлакАда», Symantec. Кампаніі аператыўна накіроўваюць дакументы на сертыфікацыю.