Захопнікі парламента Крыма ўзарвалі шумавую гранату
13- 27.02.2014, 10:31
- 3,452
Гранату ўзарвалі, калі ў будынак парламента спрабавалі ўвайсці журналісты.
У захопленым узброенымі людзьмі будынку парламента Крыма ўзарвалі шумавую гранату, калі туды спрабавалі ўвайсці за каментарамі журналісты ўкраінскіх, расейскіх, турэцкіх і іншых сусветных СМІ.
Пра гэта паведаміла журналістка аднаго з украінскіх тэлеканалаў.
«Заходзіла ў парламент група журналістаў. Захопнікі ўзарвалі гранату. Крыкнулі: Сыходзьце, будзем страляць! Унутры парламента ёсць, як мінімум, адзін снайпер», - распавяла журналістка агенцтву УНІАН.
У цэнтры Сімферопаля выстаўлена ачапленне. Маршруткі праз гэтую частку горада не пускаюць. На скрыжаванні вуліц Горкага і Пушкіна шмат міліцыі. Праз гучнагаварыцелі грамадзян просяць не выходзіць на вуліцу.
Будынак парламента і ўрада Крыма захапілі невядомыя. На будынках паднятыя сцягі Расеі.
Фота: «Крым. Комментарии»