Мірны і Лопез стартуюць з перамогі на турніры ў Акапулька

Беларус Максім Мірны і іспанец Фелісіяна Лопез выйшлі ў 1/4 фіналу турніру ў Акапулька.

У Акапулька, Мексіка, праходзіць мужчынскі міжнародны тэнісны турнір серыі ATP World Tour 500 з прызавым фондам $1,309,770, паведамляе Беларуская Тэнісная Федэрацыя.

У стартавым матчы парнага разраду Максім Мірны і іспанец Фелісіяна Лопез абыгралі ў двух сэтах Іва Карлавіча (Харватыя)/Давіда Марэра (Іспанія) 6:4, 7:5. У чвэрцьфінале Максім і Фелісіяна згуляюць з першай парай турніру Лукаш Кубат (Польшча)/Роберт Ліндстэт (Швецыя).