Яцанюк абраны прэм'ер-міністрам Украіны (Відэа)
- 27.02.2014, 15:59
- 3,295
Вярхоўная Рада прызначыла лідара фракцыі «Батькивщина» прэм'ер-міністрам Украіны.
16:43 Вярхоўная Рада пасля галасавання за праграму ўрада абвясціла перапынак у сваёй працы да 10.00 пятніцы, 28 лютага.
16:36 Склад новага Кабінета міністраў
першы-віцэ-прэм'ер - міністр Украіны Віталь Ярэма;
віцэ-прэм'ер міністр Уладзімір Гройсман;
віцэ-прэм'ер міністр Аляксандр Сыч;
міністр Кабінета міністраў Астап Семерак;
міністр аграрнай палітыкі і харчавання Ігар Швайка;
міністр унутраных спраў Арсэн Авакаў;
міністр культуры Яўген Нішчук;
міністр моладзі і спорту Дзмітрый Булатаў;
міністр адукацыі і навукі Сяргей Квіт;
міністр сацыяльнай палітыкі Людміла Дзянісава;
міністр фінансаў Аляксандр Шлапак;
міністр экалогіі і прыродных рэсурсаў Андрэй Мохнік;
міністр эканамічнага развіцця і гандлю Павел Шарамета;
міністр паліва і энергетыкі Юрый Продан;
міністр юстыцыі Павел Пятрэнка;
міністр аховы здароўя Алег Мусій;
міністр інфраструктуры Леанід Касцючэнка.
16:23 Члены новага складу Кабінета міністраў Украіны прынялі прысягу на вернасць народу Украіны. Прысягу зачытаў прэм'ер-міністр Арсеній Яцанюк.
16:20 Арсэна Авакава зацвердзілі кіраўніком МУС. Міністрам культуры стаў «голас Майдана» Яўген Нішчук.
16:11 Прэм'ер-міністр Украіны Арсеній Яцанюк прадставіў склад новага Кабінета міністраў. Спіс членаў урада ён абвясціў на пасяджэнні Вярхоўнай Рады.
16:10 Вярхоўная Рада звольніла з пасадаў пакінутых міністраў Кабміна Мікалая Азарава.
Народныя дэпутаты Украіны падтрымалі пастанову №4300 аб звальненні ад выканання абавязкаў міністраў папярэдняга складу Кабінета міністраў. За адпаведнае рашэнне прагаласавалі 358 народных дэпутатаў.
15:59 Народныя дэпутаты Украіны ўхвалілі кандыдатуру лідара фракцыі «Батькивщина» Арсенія Яцанюка на пасаду прэм'ер-міністра Украіны. За адпаведнае рашэнне прагаласавалі 371 народны дэпутат.
В.а. Прэзідэнта Украіны Аляксандр Турчынаў тут жа падпісаў прызначэнне Яцанюка на пасаду прэм'ера і прапанаваў яму заняць месца ва ўрадавай ложы Вярхоўнай Рады Украіны.
Цяпер Яцанюк як кіраўнік урада павінен унесці ў Вярхоўную Раду Украіны на зацвярджэнне новы склад Кабінета міністраў Украіны, паведамляе РБК.