Далай-лама завёў акаўнт на Instagram

Тыбецкі духоўны лідар Далай-лама завёў акаўнт на фотасэрвісы Instagram.

Паведамленне пра гэта 27 лютага з'явілася ў афіцыйным «Твітэры» яго святасці.

Першая фатаграфія ў інстаграме Далай-ламы @DalaiLama была апублікаваная яшчэ 11 лютага, аднак існаванне акаўнта прадстаўнікі духоўнага лідара Тыбета пацвердзілі толькі цяпер, піша Lenta.ru.

На момант напісання гэтай нататкі ў інстаграме было размешчана ў агульнай колькасці 16 фатаграфій. Апошні здымак датаваны 27 лютага. На фота Далай-лама паціскае руку амерыканскаму тэлевядучаму Лары Кінгу падчас свайго візіту ў ЗША. У каментары пад здымкам паведамляецца, што інтэрв'ю Кінга з Ламай, якое адбылося ў канцы лютага, выйдзе ў эфір 10 сакавіка. Падпісантамі акаўнта ўжо з'яўляюцца больш за 7,5 тысяч карыстальнікаў.

Актыўна асвойваць сацыяльны сеткі Далай-лама пачаў яшчэ ў 2010 годзе. Тады ў яго з'явіліся ўласныя акаўнты ў «Твітэры» і «Фэйсбуку». Мікраблог духоўнага лідара, у якім размешчана каля тысячы пастоў, чытаюць 8,5 мільёнаў чалавек. На Facebook-акаўнт Ламы падпісана 7,5 мільёнаў карыстальнікаў. Цікава, што, як і ў выпадку з інстаграмам Далай -ламы, старонкі яго святасці ў іншых сацыяльных сетках з'явіліся адразу пасля яго сустрэчы з прэзідэнтам ЗША Баракам Абамам.