Нацбанк абмяжуе наяўныя плацяжы

Нацыянальны банк Беларусі прапанаваў абмежаваць выплаты наяўнымі і павялічыць штрафы за непрацуючы тэрміналы.

Штрафы мяркуецца ўжываць да арганізацый. Адпаведны нарматыўны акт ужо распрацаваны і хутка будзе накіраваны на разгляд у дзяржорганы, паведамляе БелТА.

«Мы зыходзім з неаднаразовых выпадкаў, калі пры праверцы ўсталёўкі тэрміналаў выяўляецца, што тэрмінал усталяваны, але не працуе. Прычым ніякіх аб'ектыўных прычын няма - сувязь з банкам ёсць, электрычнасць працуе. Гэта значыць гандляры свядома ідуць на невыкананне патрабаванняў па функцыянаванню гэтага абсталявання», - распавяла начальнік упраўлення развіцця банкаўскіх плацежных картак і электронных грошай Нацыянальнага банка Людміла Стэфановіч.

Асабліва часта такія выпадкі назіраюцца на святы і перад імі - Новым годам, Калядамі, 8 сакавіка, патлумачыла Стэфановіч.

«Патрэбныя меры, якія на дадзеным, першапачатковым, этапе прымусяць усіх прымаць умовы гульні. Мы павінны прайсці гэты шлях», - заявіла прадстаўнік Нацбанка. Яна падкрэсліла, што падобныя штрафы прадугледжаныя і за мяжой - у Чэхіі і Польшчы яны могуць дасягаць 300 тысяч еўра , хоць у Беларусі такіх сум не плануецца.

Лімітавай для выплаты наяўнымі Нацыянальны банк прапануе зрабіць суму ў 1 тысячу базавых (каля 13,5 тысяч даляраў).