Камандзір «Ягуара» распавёў аб катаваннях над казаком Гаўрылюком

Алег Плахатнюк распавядае, што раней была каманда зверху не каментаваць інцыдэнт з катаваннямі.

Пасля таго, як 24 лютага ў дом начальніка Калінаўскага «Ягуара» кінулі дзве бутэлькі з кактэйлямі Молатава, мужчына заявіў, што яго падраздзяленне не мае дачынення да здзекаванняў над Міхаілам Гаўрылюком, інфармуе Gazeta.ua.

«Двое маіх людзей вялі Гаўрылюка да аўтазака, - растлумачыў Алег Плахатнюк. - Але тыя хлопцы, якіх назваў нардэп Алег Ляшко, не маюць дачынення да гэтага. Сяргей Харцюк і Максім Касцюк знаходзіліся на навучанні ў Золачаве. Ігара Фірака ў маёй частцы наогул няма. Там прысутнічалі двое іншых, але іх імёнаў не назаву, пакуль ідзе следства. Разбіраецца ва ўсім Генпракуратура. Зараз адзін знаходзіцца пад вартай. Яго затрымалі за перавышэнне службовых паўнамоцтваў».

Плахатнюк кажа, што ў дзень, калі затрымалі казака, у іх было паведамленне, што нехта з Майдана правядзе акт самаспалення. «Як раз адзенне гэтага чалавека была абліта гаручай сумессю, таму яго распранулі. На ім быў кажух і ватовыя штаны. Чаму здымалі трусы, я не ведаю. Мяне там не было», - запэўніў ён.

З сабой Плахатнюк прынёс відэа, якое паказвае пальцамі на двух мужчын з яго спецпадраздзялення. На відэа бачна, як яны адкідаюць вопратку ад казака. «Я гаварыў са сваімі хлопцамі, яны кажуць, што распраналі актывіста «Беркуты». Сам Гаўрылюк таксама заявіў, што яго распраналі «Беркуты». Мае пасля таго, як яго распранулі, вялі пад рукі да аўтазака».

Заяўляе, што мужчыну, які выклаў відэа, далі некалькі дзясяткаў тысяч даляраў. За гэтыя грошы можна купіць аднапакаёвую кватэру ў Вінніцы.

«Здымалі ўнутраныя войскі і яшчэ нехта на тэлефоны. Але хто, ніхто не бачыў. Бо там было шмат людзей. Адразу ніхто не звяртаў увагі, а потым не маглі ўспомніць, хто на тым месцы стаяў, адкуль здымалі. Я чуў, той, хто зліў відэа, ужо даўно за мяжой», - тлумачыць начальнік «Ягуара».

Плахатнюк кажа, раней каментаваць сітуацыю з распрананнем Гаўрылюка забаранялі. Маўляў, быў загад зверху.

«Калі наша падраздзяленне вярнулася дадому, я адчуў, што магу ўсё расказаць», - кажа Плахатнюк.

Больш за ўсё на Майдане вайскоўца ўзрушылі падзеі 20 лютага, калі загінула блізу 77 чалавек. «На наступны дзень нам выдалі баявую зброю. Да таго пры нас былі толькі траўматычныя стрэльбы з гумовымі кулямі. Трое салдат з майго атрада былі параненыя з паляўнічай стрэльбы, у агульным 68 байцоў атрымалі рознага роду пашкоджанні», - сказаў ён.