Ангела Меркель: Новую вайну ў Еўропе нельга сабе ўявіць

Канцлер Нямеччыны Ангела Меркель заявіла пра гатоўнасць Еўразвяза падтрымаць Украіну на шляху да стабілізацыі.

Пра гэта паведамляе інфармацыйнае агенцтва dw.de.

«ЕЗ падтрымлівае Украіну, калі гаворка ідзе аб абароне правоў і свабод», - падкрэсліла канцлер падчас сваёй прамовы перад двума палатамі парламента Вялікабрытаніі ў Лондане. У той жа час Ангела Меркель выказала перакананне, што «праз сто гадоў пасля Першай і 75 гадоў пасля Другой сусветных войнаў - новай вайны ў Еўропе больш нельга сабе ўявіць».

Міністр замежных спраў Літвы Лінас Лінкявічус асудзіў захоп будынка парламента і Савета міністраў Крыму і назваў гэта «актам правакацыі». Ён заклікаў Расею зрабіць заяву з гэтай нагоды, а таксама нагадаў пра тое, што ў 1994 годзе Масква абавязалася гарантаваць тэрытарыяльную цэласнасць Украіны ў рамках Будапешцкага мемарандума, паведамляе gazeta.ua.

«Гэты акт правакацыі не павінен перарасці ў рэгіянальны канфлікт», - падкрэсліў кіраўнік літоўскага МЗС.

Фота: AFP