«Мінсктранс» уводзіць новы тарыф
31- 27.02.2014, 21:03
- 5,721
Будуць праязныя на 5, 10, 20, 30, 40, 50 і 60 паездак.
З сакавіка пачнецца продаж праязных квіткоў на пэўную колькасць паездак (першы час гэта будзе актуальна толькі для трамваяў і метро). Іх можна будзе залічыць на смарт-карту, якая павінна стаць адзіным электронным праязным ўжо да чэмпіянату свету ў хакеі, паведамілі ў onliner.by ў СП ЗАТ «Міжнародны дзелавы альянс».
- Гэта будуць квіткі на 5, 10, 20, 30, 40, 50 і 60 паездак. Пастанова ўжо прайшла ўзгадненне ў Менгарвыканкаме, - удакладнілі там.
Іх кошт будзе залежаць ад колькасці паездак:
- На 5 паездак - 14 тысяч 700 рублёў;
- На 10 - 28 тысяч 500 рублёў;
- На 20 - 55 тысяч 800 рублёў;
- На 30 - 81 тысяча 900 рублёў;
- На 40 - 106 тысяч 800 рублёў;
- На 50 - 130 тысяч 500 рублёў;
- На 60 паездак - 153 тысячы рублёў.
- Гэтыя паездкі будуць заносіцца на смарт-карту ў спецыялізаваных кіёсках агенцтва «Мінсктранс». Закладны кошт карты складае 12 тысяч рублёў, гэта разавы плацёж, - дапоўнілі ў СП ЗАТ «Міжнародны дзелавы альянс».
- Важны момант: паездкі будуць сапраўдныя цягам 60 дзён з моманту продажу, потым яны «згараць», - адзначылі там.
Увядзенне новага тарыфу абумоўлена пастановай Менскага гарадскога выканаўчага камітэта №279.