Падаражэюць кава, чай і піва

Міністэрства фінансаў Беларусі сваёй пастановай N3 павысіла кошт кантрольных знакаў для маркіроўкі шэрагу тавараў.

У адпаведнасці з дакументам, апублікаваным на Нацыянальным прававым інтэрнэт-партале, кошт кантрольнага (ідэнтыфікацыйнага) знака ўстаноўлены ў памеры Br5 тыс. для маркіроўкі прынтэраў, вылічальных машын (ноўтбукаў), мабільных тэлефонаў, манітораў, тэлевізараў. Выключэнне складае былая ва ўжыванні тэхніка, піша «Інтэрфакс».

Кантрольныя знакі коштам Br500 будуць выкарыстоўвацца для маркіроўкі ікры, рыбных кансерваў, мінеральных і газаваных водаў у спажывецкай тары, піва, слабаалкагольных напояў з аб'ёмнай доляй этылавага спірту не больш за 7%, кавы ва ўпакоўках не менш за 25 г, чаю. Аналагічны кошт устаноўлены для кантрольных знакаў для маркіроўкі аўдыёкасет, відэакасет, кампакт-дыскаў, дзе ўтрымліваюцца фанаграмы або аўдыёвізуальныя творы.

Кошт кантрольных знакаў у памеры Br150 устаноўлены для маркіроўкі мыйных сродкаў, парашкападобных, вадкіх і пастападобных у спажывецкай тары, а таксама для шклоабмывальных, мыйных сродкаў для шкла ў тары любой ёмістасці. Аналагічны кошт ўстаноўлены на знакі для маркіроўкі алею, які разліты ў тару любой ёмістасці і прызначаны для ўжывання ў ежу, сокаў фруктовых (уключаючы вінаграднае сусла) і сокаў з агародніны ў спажывецкай тары.

З 1 чэрвеня 2013 года кошт кантрольных знакаў для маркіроўкі гэтай прадукцыі быў устаноўлены ў памеры Br120.

У адпаведнасці з пастановай Мінфіна для маркіроўкі масла маторнага, якое разліта ў тару любой ёмістасці, будуць выкарыстоўвацца кантрольныя знакі коштам Br1 тыс. супраць Br540 раней.

Аналагічны кошт устаноўлены для знакаў, якія выкарыстоўваюцца для маркіроўкі антыфрызаў (у тым ліку тасолаў) і гатовых вадкасцяў супраць абледзянення ў тары любой ёмістасці, а таксама абутку і гадзіннікаў (былых ва ўжыванні). Раней кошт кантрольных знакаў складаў Br120.

Пастанова ўступіла ў сілу пасля яе афіцыйнага апублікавання.