Беларус Ільін звольнены з пасады начальніка Генштаба Украіны
- 28.02.2014, 13:31
- 3,588
Старшыня Вярхоўнай рады Аляксандр Турчынаў звольніў Юрыя Ільіна з пасады начальніка Генеральнага штаба - Галоўнакамандуючага Узброеных сіл Украіны.
Адпаведны ўказ ад 28 лютага апублікаваны на сайце выконваючы абавязкі прэзідэнта.
Былы начальнік Генштаба Украіны цяпер знаходзіцца ў Крыме. Сёння стала вядома пра тое, што ён шпіталізаваны з сардэчным прыступам у рэанімацыю ваенна-медыцынскага клінічнага цэнтра ў Севастопалі.
Нагадаем, прэзідэнт Украіны Віктар Януковіч прызначыў адмірала Юрыя Ільіна на пасаду начальніка Генеральнага штаба - Галоўнакамандуючага Узброеных сіл Украіны 19 лютага 2014 года. Да гэтага, Ільін займаў пасаду камандуючага Ваенна-Марскіх Сіл Узброеных сіл Украіны.
Былы начальнік Генштаба Украіны - з Беларусі. Юрый Ільін нарадзіўся 21 жніўня 1962 года ў горадзе Рагачоў Гомельскай вобласці і скончыў Менскае сувораўскае ваеннае вучылішча.
Фота: new-sebastopol.com