Крыніца: У Севастопаль прыбылі 400 расейскіх дэсантнікаў
5- 28.02.2014, 17:12
- 15,717
У Севастопалі рэзка павялічваецца колькасць расейскіх войскаў.
У Казачай бухце і на мысе Фіалент знаходзіцца каля 400 байцоў Ульянаўскай гвардзейскай брыгады Паветрана-дэсантных войскаў Расеі, якія прыбылі туды раніцай 28 лютага. Пра гэта паведамляе ўкраінская служба «Радыё Свабода», спасылаючыся на інсайдэрскую інфармацыю.
Крыніца таксама паведаміла пра тое, што расейскіх вайскоўцаў размяшчаюць у камэндатуры і ва ўсіх "казарменных фондах" Чарнаморскага флоту.
Сёння Арганізацыйна-мабільнае ўпраўленне ЧФ РФ прызначыла ў памяшканні былога Будаўнічага ўпраўлення мабілізацыйны збор усіх прыпісантаў - былых расейскіх вайскоўцаў.
«Гэта прамое ваеннае ўварванне», - падкрэсліла крыніца.
Нагадаем, учора ў Сімферопалі невядомыя захапілі парламент і ўрад аўтаноміі і ўсталявалі на будынках расейскія сцягі. Праваахоўнікі адкрылі крымінальную вытворчасць па артыкуле «тэракт». Дэпутаты прызначылі на 25 траўня рэферэндум па пашырэнні паўнамоцтваў аўтаноміі, а таксама выказаў недавер Савету міністраў аўтаноміі, які з лістапада 2011 года ўзначальваў Анатоль Магілёў. Па некаторых звестках, падчас правядзення сесіі не было кворуму.
Вярхоўная Рада Украіны запатрабавала склікання Савета бяспекі ААН для разгляду сітуацыі ў Крыме.