«Бульвар Манмартр» Пісаро прадалі за рэкордную суму
5- 6.02.2014, 10:38
- 6,708
Палатно «Бульвар Манмартр. Вясновая раніца» Каміля Пісаро сышло з малатка на аўкцыёне Sotheby's за 24 млн еўра.
Карціна ўстанавіла коштавы рэкорд для гэтага мастака, перадае BBC.
За час таргоў яе выніковы кошт больш чым у два разы перавысіў першапачатковы. Карціна лічыцца адной з найбольш вядомых прац мастака. На аўкцыёне яна выстаўлялася ўпершыню. Сваіх новых уладальнікаў у чацвер знайшлі таксама партрэт, напісаны Ван Гогам, і «Кампазіцыя (з Мінатаўрам)» Пабла Пікасо.
Агульны кошт лотаў, прададзеных на аўкцыёне імпрэсіяністаў, склаў больш за 197 млн. еўра.