Вікторыя Азаранка страціла статус другой ракеткі свету

Беларуская тэнісістка знялася з турніру WТА у Дохе.

Такім чынам, яна адмовілася ад абароны леташняга тытула. У 2013 годзе тэнісістка выйграла гэтыя спаборніцтвы, перамогшы ў фінале Серэну Уільямс. Тады Вікторыя Азаранка зарабіла 900 рэйтынгавых ачкоў, піша «Прессбол».

У новым рэйтынгу WTA, які будзе сфармаваны пасля турніру ў Дохе, Вікторыя Азаранка страціць неабароненыя балы, а разам з імі і другі радок у сусветнай табелі аб рангах.