ЗВР знізіліся на $427 мільёнаў

Золатавалютныя рэзервы Беларусі, разлічаныя па стандартах МВФ, за студзень 2014 года склалі $6 млрд 223,2 млн у эквіваленце.

Пра гэта паведамілі агенцтву "Інтэрфакс-Захад" ва ўпраўленні інфармацыі і грамадскіх сувязяў Нацыянальнага банка рэспублікі.

Для параўнання, за снежань ЗВР Беларусі, разлічаныя па стандартах МВФ, выраслі на $192,2 млн і на пачатак 2014 года склалі $6 млрд 650,9 млн. Росту ЗВР спрыяла размяшчэнне Мінфінам валютных аблігацый на ўнутраным рынку, перавод нерэзервовых актываў у актыўныя, а таксама паступленне першага траншу расейскага стабкрэдыту ў памеры $440 млн.

ЗВР Беларусі, разлічаныя па нацыянальных стандартах, за студзень скараціліся на $435,1 млн і на 1 лютага 2014 года склалі $ 6 млрд 801,8 млн у эквіваленце.

"Асноўным фактарам, які аказаў уплыў на зніжэнне золатавалютных рэзерваў, стала аплата урадам і Нацыянальным банкам знешніх і ўнутраных абавязацельстваў у замежнай валюце ў поўным аб'ёме", - адзначылі ў НББ. Там дадалі, што падтрыманню ўзроўню ЗВР у студзені бягучага года спрыяў рост кошту на золата на міжнародным рынку каштоўных металаў.

Як паведамлялася, на 1 студзеня 2014 года ЗВР Беларусі па стандартах МВФ склалі $6 млрд 650,9 млн супраць $8 млрд 95 млн на пачатак 2013 года. Такім чынам, за 2013 год ЗВР краіны скараціліся на 17,8%, або на $1 млрд 444,1 млн. Пры гэтым НББ прагназаваў, што ў 2013 годзе рэзервы па стандартах МВФ вырастуць на $0,3-0,7 млрд, або на 3,7-8,6% і складуць на канец года не менш як $8,3 млрд.

За 2012 год ЗВР Беларусі па стандартах МВФ выраслі на 2,3% пасля росту на 57,4% у 2011 годзе.

У 2014 годзе Беларусь працягне праходзіць пік выплат па крэдыце stand by МВФ. Па разліках экспертаў фонду, выплаты павінны скласці парадку $1-2-1,4 млрд. За 2013 год, па дадзеных МВФ, Беларусь пагасіла каля $1,6 млрд гэтага крэдыту.