На ваенным аэрадроме ў Крыме пашкоджана абсталяванне
5- 1.03.2014, 13:17
- 12,703
Група ўзброеных асоб пашкодзіла абсталяванне, якое забяспечвае кіраванне палётамі на Кіраўскім ваенным аэрадроме ў Крыме.
Пра гэта паведаміла агенцтву «Інтэрфакс-Украіна» крыніца ў ваенных колах.
Са словаў суразмоўцы агенцтва, блізу 150 невядомых са зброяй прыехалі на тэрыторыю аэрадрома, вывелі з ладу абсталяванне забеспячэння кіравання палётамі, абрэзалі ўсе драты і разбілі апаратуру.
Пасля гэтага яны з'ехалі ў невядомым кірунку.
Паводле інфармацыі, ахвяраў і пацярпелых няма, зброя ўкраінскіх вайскоўцаў засталася на месцы.