Ракетны эсмінец ЗША рыхтуецца да вучэнняў у 300 км ад Адэсы
4- 10.03.2014, 0:59
- 23,923
Амерыканскі эсмінец USS Truxtun прыбыў у румынскі порт Канстанца, ад якога морам да Адэсы каля 300 км.
Пра гэта паведамляецца на афіцыйнай старонцы карабля ў Facebook.
Ракетны эсмінец Truxtun выйшаў у паход 6 сакавіка з аднаго з партоў Грэцыі для правядзення камбінаваных вучэнняў у сферы бяспекі ў Чорным моры з румынскім і балгарскім ВМФ. Карабель наведае парты саюзнікаў і партнёраў у рэгіёне і правядзе запланаваныя вучэнні.
Эсмінец з'яўляецца часткай Другой ударнай групы флоту ЗША. Яе флагман - атамны авіяносец "Джордж Буш", які знаходзіцца цяпер каля берагоў Грэцыі.
Сцвярджаецца, што вучэнні амерыканскага ваеннага карабля ў Чорным моры былі запланаваныя раней і афіцыйна не звязаныя з падзеямі ў Крыме.