Пенсіянер «замінаваў» тры крамы ў Гомелі

Людзей эвакуяавалі з крамаў і жылых дамоў з-за фальшывага паведамлення пра бомбу.

Першае паведамленне паступіла ў міліцыю ўчора прыкладна ў 16:50, паведамляе «Советский район». Той, хто тэлефанаваў, заявіў, што ён замінаваў краму на вуліцы Брэсцкай, праўда, не змог сказаць, якую менавіта. У выніку экстраным службам давялося правяраць два адрасы.

Ад карыстальнікаў сацсетак вядома, што правяралася крама «Брэсцкі». Як называецца другая гандлёвая кропка, пакуль невядома. Таксама выратавальнікам давялося эвакуяваць людзей з некалькіх жылых дамоў па суседству.

У выніку звесткі аб закладцы выбуховага прыстасавання не пацвердзіліся. У 17.20 той жа мужчына патэлефанаваў у міліцыю і назваў яшчэ адзін адрас - на гэты раз ён нібыта замінаваў краму па вуліцы Валгаградскай. Аднак і там бомбу не знайшлі.

У месцах меркаванай закладкі выбуховых прылад працавалі міліцыя, «хуткая», ратавальнікі і сапёры.

Па звестках суполкі «Гэта Гомель, дзетка!», па горадзе пачалі распаўсюджвацца чуткі пра тое, што ў адной з крам сапраўды быў знойдзены прадмет, які нагадвае выбуховае прыстасаванне. У выніку ў Гомелі пачалася лёгкая паніка, якая, на шчасце, хутка сціхла.

Як высветлілася, ілжывыя паведамленні аб мінаванні паступалі з сотавага тэлефона непрацуючага пенсіянера 1951 года нараджэння. Мужчына затрыманы, ён знаходзіцца ў ІЧУ. Супраць яго распачатая крымінальная справа па артыкуле «Загадзя ілжывае паведамленне аб небяспецы», піша odsgomel.org.

Устаноўлена, што званкі тэлефонны тэрарыст здзяйсняў, знаходзячыся ў стане алкагольнага ап'янення. Згодна з беларускім заканадаўствам, гэты факт з'яўляецца абцяжваючай акалічнасцю, якая пагаршае віну.