МЗС Украіны: Мы гатовыя да хутчэйшага падпісання пагаднення з ЕЗ
3- 10.03.2014, 13:35
- 5,427
Украіна гатовая ў хуткім часе падпісаць палітычную частку пагаднення з Еўразвязам.
Гэта пацвердзіў міністр замежных спраў Украіны Андрэй Дзешчыца пасля сустрэчы з міністрамі замежных спраў Бельгіі, Нідэрландаў і Люксембурга, піша «Лiга.НЕТ».
«Хачу выказаць падзяку міністрам МЗС краін Бенілюкса за падтрымку Украіны ў супрацьстаянні агрэсіі, - сказаў Дзешчыца. - Мы вызначылі шляхі выхаду з крызісу і адчуваем моцную міжнародную падтрымку, таксама і ў Радзе Бяспекі ААН, дзе старшынюе цяпер».
«Мы яшчэ раз падкрэслілі, што неабходна выкарыстоўваць усе неабходныя дыпламатычныя механізмы для мірнага ўрэгулявання гэтага крызісу. І Украіна ўдзячная еўрапейскім партнёрам за разуменне гэтага», - адзначыў міністр.
Нагадаем, раней Еўрапейскі Звяз заявіў, што неадкладна падпіша палітычную частку пагаднення аб асацыяцыі з Украінай. Прэзідэнт Еўрапейскай камісіі Жазэ Мануэль Барозу заявіў, што Еўразвяз мае перад Украінай даўгі і абавязацельствы ў салідарнасці, заявіў ён , выступаючы на саміце еўрапейскіх рэгіёнаў і гарадоў у грэчаскіх Афінах. Барозу нагадаў, што ва Украіне больш ста чалавек загінулі за еўрапейскія каштоўнасці, за тое, каб Украіна таксама прытрымлівалася іх.