Жонкі афіцэраў Чарнаморскага флоту Расеі падымаюць бунт

Расейскае ваеннае камандаванне не давярае афіцэрам ЧФ, якія шмат гадоў пражылі ў Крыме.

Частку з іх, па звестках крыніц Міністэрства абароны Украіны, хочуць адправіць на тэрыторыю Расеі, змяніўшы на больш надзейных. Жонкі маракоў ужо выказваюць сваё абурэнне падобнымі планамі. Пра гэта паведамляе ў сваім аккауние ў сацыяльнай сетцы «Фэйсбук» начальнік крымскага прэс-цэнтра Міністэрства абароны Украіны Уладзіслаў Селязнёў.

«Ад вартых даверу крыніц з Севастопаля стала вядома наступнае. Жонкі афіцэраў Чарнаморскага флоту падымаюць «бучу», што іх мужоў з сем'ямі збіраюцца памяняць на прадстаўнікоў іншых флатоў Расеі ў пакаранне за асіміляцыю з мясцовым насельніцтвам Крыма. Людзі ў шоку, пражылі ў Севастопалі па некалькі дзесяткаў гадоў, а цяпер іх усіх, па сутнасці, выганяюць на тэрыторыю Расеі, дзяцей адрываюць ад школ, сяброў. У штабе ЧФ РФ супакойваюць тым што Крым будзе расейскім і яны ўсё роўна страцяць свае надбаўкі «за замежжа», - піша Уладзіслаў Селязнёў.

Колькасць маракоў Чарнаморскага флоту Расеі, паводле дамоўленасцяў з Украінай, складае 11 тысяч чалавек. Акрамя іх, па дадзеных Кіева, на паўвостраве знаходзяцца больш за 18 тысяч салдат РФ.