Выкрадзены ў Севастопалі актывіст: «Бывайце. За мной прыйшлі»
4- 10.03.2014, 16:55
- 3,079
У Севастопалі выкралі актывіста Ігара Кірушчанку.
Апошні раз ён выходзіў на сувязь у 11:39 па мясцовым часе сёння. Тады ён зрабіў свой апошні тэлефонны званок. Пра гэта паведамляе "Еўрамайдан SOS". Паводле інфармацыі сакратарыята Украінскай рэспубліканскай партыі, краёвую арганізацыю якой узначальвае Кірушчанка, ён патэлефанаваў у сакратарыят і сказаў: "Бывайце. За мной прыйшлі".
З тых часоў яго тэлефон не адказвае. Вядома, што актывіст быў на ўчорашняй акцыі, прысвечанай 200-годдзю з дня нараджэння Тараса Шаўчэнкі. Таксама ён актыўна дапамагаў украінскім вайскоўцам у акупаваных воінскіх частках, перадае ТСН.
Нагадаем, што ў Крыме невядомыя выкралі камандзіра ўкраінскай вайсковай часткі. Мужчыну ўтрымліваюць у невядомым месцы, але ніякіх патрабаванняў не вылучаюць.