Верхавод луганскіх сепаратыстаў размахваў пісталетам перад журналістамі (Відэа)
26- 10.03.2014, 19:35
- 4,027
Арсен Клінчаеў, затрыманы ноччу, быў вызвалены і распавёў сваю версію падзей.
Паводле ягоных слоў, дэпутат Алег Ляшко пагражаў ягонай сям'і і абяцаў вешаць і рэзаць за расейскія сцягі.
Таксама ён выказаў здзіўленне, што яшчэ жывы, бо выкрадальнікі былі з адкрытымі тварамі. У канцы інтэрв'ю журналістам нардэп дастаў пісталет і паабяцаў, што ў наступны раз яго не атрымаецца застаць знянацку, піша «Корреспондент».
Нагадаем, у ноч з 9 на 10 сакавіка быў затрыманы верхавод сепаратыстаў ў Луганскай вобласці і дэпутат аблсавета ад Партыі рэгіёнаў Арсен Клінчаеў. Пра гэта на сваёй старонцы ў сацыяльнай сетцы «Фэйсбук» напісаў народны дэпутат, лідар Радыкальнай партыі Алег Ляшко.
Арсен Клінчаеў быў адным з тых, хто кіраваў напярэдадні захопам Луганскай АДА, і патрабаваў губернатара Луганскай вобласці Балоцкіх падпісаць заяву аб адстаўцы.
Раней Клінчаеў адзначыўся шэрагам правакацыйных заяваў. У прыватнасці, назваў загубу людзей на Майдане Незалежнасці «правільнай». Таксама ён быў адным з арганізатараў прарасейскіх выступаў у Луганскай вобласці.