Барыкады ў Кіеве застануцца да 25 траўня
1- 11.03.2014, 10:05
- 2,910
Барыкады на Майдане Незалежнасці будуць стаяць мінімум да 25 траўня - да дня прэзідэнцкіх выбараў.
Пра гэта гавораць як самі актывісты, так і кіяўляне, паведамляе 5 канал.
На думку актывістаў, заканчваць народны супраціў рана, бо Еўрамайдан і далей будзе працаваць, як кантралюючы орган. Штодня раніцай тут прыбіраюць тэрыторыю, але шыны і металічныя канструкцыі пакідаюць некранутымі, як сімвал барацьбы з чыноўнікамі-карупцыянерамі.
Таксама на Майдане кажуць аб далейшай люстрацыі ўлады, а кіяўляне і госці галоўнай плошчы Кіева аддаюць перавагу пакінуць барыкады па іншых прычынах. Засеяныя кветкамі і смуткам па загінулых, яны, на іх думку, павінны быць абярэгам для ўкраінцаў.
Акрамя таго на вуліцы Інстытуцкай, якую ў народзе ахрысцілі вуліцай Нябеснай сотні, хочуць перакрыць рух і не прапускаць па ёй машыны.