«Белшыну», «Дынама-Брэст» і «Днепр» не пусцілі на чэмпіянат Беларусі

Клубы не адпавядаюць фінансавым крытэрам турніру.

11 сакавіка ў Доме футбола адбылося пасяджэнне ліцэнзійнага камітэта АБФФ, на якім былі разгледжаныя заявы прэтэндэнтаў ліцэнзій на ўдзел у чэмпіянаце Беларусі 2014 года. Футбольныя клубы «Белшына», «Дынама-Брэст» і «Днепр» не выканалі фінансавыя крытэры сістэмы ліцэнзавання, і ліцэнзійны камітэт прыняў пастанову аб адмове ў выдачы ліцэнзіі гэтым клубам, паведамляе афіцыйны сайт БФФ.

Акрамя таго, за невыкананне патрабаванняў кадравых крытэрыяў разраду «В» былі ўжытыя санкцыі да футбольных клубаў «Нафтан» і «Нёман». Футбольныя клубы, якія не атрымалі ліцэнзіі, маюць права цягам трох рабочых дзён падаць апеляцыю на пастанову ліцэнзійнага камітэта ў Футбольны Арбітраж.