У Пскове забаранілі канцэрт «Ляпіса Трубяцкога»
44- 11.03.2014, 20:22
- 5,318
Канцэрт беларускага гурта, запланаваны на 14 сакавіка ў Пскове, скасаваны.
Аб гэтым паведамляецца на сайце Superclub.
«Канцэрт скасаваны. Квіткі можна здаць у касе клуба», - гаворыцца ў паведамленні.
Раней Пскоўскае аддзяленне КПРФ заклікала скасаваць або байкатаваць канцэрт беларускага гурта. Адпаведнае паведамленне апублікаванае на сайце партыі.
Са слоў камуністаў, у новым альбоме «Ляпісаў» у самым «непрывабным выглядзе» пададзеная Расея і лідары СССР. Таксама ў КПРФ успомнілі выступ музыкаў у Кіеве на Майдане, дзе лідар забароненага ў Беларусі гурта Сяргей Міхалок «падтрымаў дзяржпераварот».
Сваю заяву пскоўскія камуністы зрабілі пасля таго, як на гурт ім нібыта паскардзіўся мясцовы жыхар. Мужчына, чый узрост і род дзейнасці не пазначаны, таксама папрасіў КПРФ звярнуцца да міністра культуры РФ Уладзіміра Мядзінскага з просьбай забараніць усе канцэрты «Ляпіса Трубяцкога» і закрыць для Міхалка ўезд у Расею.