Жырыноўскі прапанаваў адмовіцца ад «гадкай» літары «ы»
124- 12.03.2014, 10:49
- 6,914
Лідар ЛДПР Уладзімір Жырыноўскі прапануе адмовіцца ад выкарыстання ў рускай мове літары «ы».
На думку палітыка, літара з'яўляецца адной з прычын, чаму расейцаў «не любяць» у еўрапейскіх краінах.
«Прыбраць гэтую літару гадкую, гэта азіятчына, нас за гэта не любяць у Еўропе <...> Гэта ад мангол да нас прыйшло, ні ў адной еўрапейскай мове літары «ы» няма», - прыводзіць выказванне Жырыноўскага РІА «Новости».
«Гартанны гук, гэта звяры так кажуць: «ы-ы». «І» - усё, дастаткова», - сказаў лідар ліберал-дэмакратаў.
Акрамя таго, на думку Жырыноўскага, складанасці з вымаўленнем «ы» ўзнікаюць у дзяцей.
«У мяне быў сын маленькі яшчэ, «ы» дзеці не могуць вымаўляць. Кажа: «Тата, тата, там мішка». Я думаю, які мішка? Мядзведзь ці што? Аказваецца, мыш», - падзяліўся дэпутат.