The Washington Times: Новая «халодная вайна» - ужо факт

Перазагрузка адносінаў Масквы і Вашынгтона скончылася пасля вяртання Пуціна на пасаду прэзідэнта Расеі.

Пяць гадоў таму дзяржсакратар ЗША Хілары Клінтан гулліва паднесла расейскаму міністру замежных спраў Сяргею Лаўрову чырвоную кнопку "перазагрузкі", сімвал намеру адміністрацыі Барака Абамы палепшыць адносіны, якія дасягнулі сваёй ніжэйшай кропкі пры адміністрацыі Джорджа Буша-малодшага, піша The Washington Times (пераклад - Inopressa.ru).

Цяпер шырока разрэкламаваная "перазагрузка" практычна стала здабыткам гісторыі.

"Афіцыйна "перазагрузка" мёртвая", - заявіў Рычард Фантэйн, прэзідэнт Цэнтра новай амерыканскай бяспекі.

"Па сцвярджэннях рэгіянальных аналітыкаў, прычына ў тым, што амерыкана-расейскія адносіны, якія падарваліся дзеяннямі прэзідэнта Уладзіміра Пуціна па аднаўленні, як ён лічыць, законнага месца Расеі на сусветнай арэне, знаходзяцца на самай ніжэйшай кропцы пасля халоднай вайны", - адзначае аўтар артыкула Ашыш Кумар Сэн.

Напружанасць паміж двума бакамі толькі пагоршылася пасля таго, як Пуцін у мінулым месяцы занядбаў папярэджаннямі з Белага дома і накіраваў войскі ў Крым.

Сітуацыя, падобна, пагоршылася на гэтым тыдні на фоне паведамленняў аб тым, што дзяржсакратар ЗША Джон Кэры адхіліў запрашэнне з Масквы сустрэцца тварам да твару з Пуціным для абмеркавання амерыканскай прапановы, накіраванай на змякчэнне напружанасці на Украіне.

Чакаецца, што Масква ашчацініцца яшчэ больш, так як прэзідэнт Барак Абама рыхтуецца прыняць у Белым доме ў сераду прэм'ер-міністра часовага ўрада Украіны Арсенія Яцанюка. Расея, якая не прызнае новых лідараў Кіева, можа ўгледзець у гэтым кроку абразу.

Адносіны Абамы з Пуціным азмрочваліся нязгодамі па грамадзянскай вайне ў Сірыі, прадастаўленню палітычнага прытулку выкрывальніку АНБ Эдварду Сноўдэну і ў цэлым з-за аўтарытарнай пазіцыі Пуціна па правах чалавека.

Як мяркуе старэйшы навуковы супрацоўнік Фонду Маршала (German Marshall Fund of the United States) Цямуры Якабашвілі, перазагрузка скончылася ў той момант, калі Дзмітрый Мядзведзеў, які быў прэзідэнтам Расеі ў момант прыходу Барака Абамы да ўлады ў ЗША, пакінуў гэтую пасаду. "Але ніхто не хоча казаць услых, што яна скончаная або была памылкай", - адзначае Якабашвілі.

У той жа час аўтар артыкула прызнае, што перазагрузка прынесла пэўны плён, уключаючы падпісанне новай дамовы па СНВ, якая скарачае колькасць ядзерных узбраенняў, супрацоўніцтва Расеі па Іране, Паўночнай Карэі і Афганістане, уступленне Расеі ў СГА. А зусім нядаўна ЗША і Расея супрацоўнічалі па пытанні знішчэння сірыйскай хімічнай зброі.

Хоць уварванне Расеі на Украіну дадало ў адносіны дадатковы градус напружанасці, прадстаўнікі адміністрацыі Абамы сцвярджаюць, што не лічаць падзеі ў Кіеве перацягваннем ліны ў духу халоднай вайны. Аднак, на думку аналітыкаў, менавіта так гэта бачыць Пуцін.

"Новая халодная вайна - гэта ўжо факт, але людзі не хочуць прызнаваць гэтага факту, бо не бачаць дакладнага падабенства", - лічыць Якабашвілі.