Заарыштаваны гендырэктар «Барысаўдрэва»

Крымінальная справа распачатая ў дачыненні да генеральнага дырэктара ААТ «Барысаўдрэў» Уладзіміра Мальцава.

Пра гэта паведамілі агенцтву «Інтэрфакс-Захад» у аддзеле інфармацыі і сувязі з грамадскасцю Следчага камітэта.

«Распачатая крымінальная справа ў дачыненні да гендырэктара ААТ «Барысаўдрэў» паводле ч.3 арт.424 КК Беларусі (злоўжыванне ўладай або службовымі паўнамоцтвамі) у сувязі з прычыненнем цяжкіх наступстваў дзяржаўным інтарэсам падчас выканання мерапрыемстваў мадэрнізацыі, якая праводзіцца на прадпрыемстве», - праінфармавалі ў АІСГ.

Там ўдакладнілі, што ён змешчаны пад варту, на ягоную маёмасць накладзены арышт.

Нагадаем, 8 лістапада мінулага года Лукашэнка другім разам наведаў ААТ «Барысаўдрэў», каб убачыць, як праз год пасля папярэдняга візіту выконваецца ягоны наказ аб заканчэнні мадэрнізацыі беларускага прадпрыемства.

Убачыўшы, што ягоны наказ аб рэканструкцыі ААТ «Барысаўдрэў» цалкам праігнараваны, Лукашэнка даслоўна раз’юшыўся. Ён тут жа зняў з пасады губернатара Менскай вобласці Барыса Батуру, загадаўшы адправіць яго дырэктарам на гэтае прадпрыемства, а ў памочнікі да яго - старшыню канцэрна «Беллеспаперапрам» Аляксандра Пераслаўцава.

На наступны дзень абурэнне правадыра было замацаванае ва Указе №502. Згодна з дакументам, ад сваіх пасад былі вызваленыя не толькі Батура і Пераслаўцаў, але і намеснік кіраўнік адміністрацыі Андрэй Тур. Акрамя таго, строгія вымовы былі абвешчаныя кіраўніку адміністрацыі дыктатара Андрэю Кабякову і старшыню Камітэта дзяржаўнага кантролю Аляксандру Якабсону. Указам Лукашэнкі загадаў міністру архітэктуры і будаўніцтва зняць са сваіх пасад шэраг дырэктараў будаўнічых прадпрыемстваў. Нягледзячы на пагрозы звальнення, гендырэктар «Барысаўдрэва» Уладзімір Мальцаў тады захаваў сваю пасаду.

Беларусам ён запомніўся сваім інтэрв'ю тэлеканалу ОНТ: