Амерыканскі эсмінец застанецца ў Чорным моры

Пасля вучэнняў ВМС Балгарыі, Румыніі і ЗША, якія праводзяцца ў Чорным моры, эсмінец Truxtun спыніцца ў порце Варны.

Пра гэта ў чацвер паведаміў штаб ВМС Балгарыі, перадае Укрінфарм.

"Пасля вучэнняў згодна з папярэдняй праграмай Truxtun, экіпаж якога складаецца з 300 чалавек, застанецца на некалькі дзён у порце Варны", - гаворыцца ў паведамленні штаба.

Нагадаем, у сераду ў заходняй частцы Чорнага мора пачаліся сумесныя вучэнні караблёў ваенна-марскіх сіл Балгарыі, Румыніі і ЗША. Капітан I рангу ВМС Балгарыі Кірыл Міхайлаў заявіў, што правядзенне вучэнняў не прадыктавана сітуацыяй ва Украіне, яны былі запланаваныя яшчэ ў сярэдзіне 2013 года.