Супраць Цягнібока распачалі справу ў Расеі

У дачыненні да лідара ўкраінскай партыі «Свабода» Алега Цягнібока ўзбуджаная крымінальная справа нібыта «па факце стварэння ўзброенай банды».

Фігурантамі справы таксама сталі некаторыя члены «Украінскай нацыянальнай асамблеі - Украінскай народнай самаабароны» (УНА - УНСА), паведаміў «Інтэрфаксу» афіцыйны прадстаўнік СКР Уладзімір Маркін.

У прыватнасці, па словах Маркіна, «Цягнібок выступаў супраць федэральных сіл на баку чачэнскіх сепаратыстаў у 90-я гады».