Узброены расеец спрабаваў трапіць ва Украіну праз Беларусь
22- 15.03.2014, 15:37
- 24,186
Узброенага грамадзяніна Расеі затрымалі ўкраінскія памежнікі ў пункце пропуску «Выступовічы».
Пра гэта паведаміла прэс-служба Дзяржаўнай памежнай службы Украіны.
У салоне аўтамабіля УАЗ, на якім ехаў расеец, былі знойдзеныя пісталет ТТ і патроны да яго. Зараз праваахоўныя органы высвятляюць, з якой мэтай мужчына ўвозіў зброю. Расеец заехаў ва Украіну з тэрыторыі Ельскага раёна Гомельскай вобласці.
Памежная служба Украіны ўзмацніла кантроль на межах з Расеяй, Беларуссю і Малдовай пасля з'яўлення першых паведамленняў аб правакатарах, якія спрабуюць патрапіць у краіну пад выглядам «турыстаў» і правакуюць беспарадкі ва ўсходніх абласцях. Колькасць грамадзян Расеі, якіх не ўпусцілі ва Украіну з-за няздольнасці выразна растлумачыць мэты паездкі, складае ўжо некалькі тысяч чалавек. Нягледзячы на прынятыя меры, шматлікім правакатарам атрымоўваецца перасекчы мяжу.