Казакі спрабуюць прымусіць украінскіх вайскоўцаў пайсці на «рэферэндум»
50- 16.03.2014, 11:24
- 33,780
Асабісты склад Дзяржаўнага навукова-даследчага цэнтра УС Украіны, які дыслакуецца ў пгт. Прыморскім, не прапускаюць на працу казакі.
Пра гэта паведамляе кіраўнік крымскага медыя-цэнтра Мінабароны Уладзіслаў Селязнёў на сваёй старонцы ў Facebook.
«Матывуюць свае дзеянні тым, што ў першую чаргу ўкраінскія вайскоўцы павінны прыйсці на выбарчыя ўчасткі, а толькі затым прыбыць на службу. Напярэдадні персанал арганізацыі пастанавіў не браць удзел у рэферэндуме», - напісаў Селязнёў.
Нагадаем, а 8:00 паводле кіеўскага часу на тэрыторыі Крыму пачаўся «рэферэндум», на які вынесеныя два пытанні і абодва не прадугледжваюць захавання цяперашняга статусу Аўтаномнай рэспублікі Крым.
Правядзенне «рэферэндуму» не прызнаюць ні ўкраінскія ўлады, ні сусветная грамадскасць, за выключэннем Расеі, Сірыі, Венесуэлы і КНДР.