На пікеце АГП у Менску затрымалі 10 чалавек
17- 16.03.2014, 12:41
- 22,184
Падчас перадвыбарчага пікету Аб'яднанай грамадзянскай партыі на рынку «Камароўка» АМАП затрымаў усіх удзельнікаў.
Як паведамілі ў прэс-службе партыі, удзельнікі былі ў цішотках з партрэтамі палітвязняў і планавалі правесці пікет у знак салідарнасці з імі.
Сярод затрыманых - Анатоль Лябедзька, Уладзімір Раманоўскі, Ганна Канапацкая, журналісты Алесь Сіліч і Наталля Валакіда. Усяго блізу 10 чалавек.
Як мяркуецца, затрыманых павезлі ў РАУС Савецкага раёна.