Швейцарская пракуратура правяла ператрус у офісе Ахметава
5- 17.03.2014, 9:38
- 15,451
Пракуратура Швейцарыі правяла ператрус у офісе кампаніі Рыната Ахметава DTEK Traiding S.A.
Пра гэта паведамляе выданне SonntagsZeitung у нумары за 16 сакавіка 2014 года, перадае Інтэрфакс-Украіна.
Паводле інфармацыі аўтараў артыкула, ператрус быў праведзены на працягу двух гадзін яшчэ 27 лютага ў офісе кампаніі, які знаходзіцца недалёка ад прыстані Bergues Genuve. Ператрус быў праведзены ў рамках расследавання дзейнасці вугальнай трэйдынгавай кампаніі MakoTrading SA старэйшага сына прэзідэнта Аляксандра Януковіча, які падазраецца швейцарскай паліцыяй у адмыванні грошай.
Па інфармацыі выдання, структуры Рыната Ахметава нібыта пераплеценыя з кампаніяй Януковіча-малодшага. Выданне таксама называе алігарха «шчодрым спонсарам» перадвыбарнай кампаніі Віктара Януковіча.
SonntagsZeitung у прэс-службе ДТЭК пацвердзілі факт ператрусу дакументаў. «ДТЭК пацвярджае, што швейцарскія ўлады пачалі расследаванне аб дзейнасці некаторых фірмаў украінскіх службовых асоб, Мы далі швейцарскім праваахоўным органам фінансавую і юрыдычную дакументацыю нашага швейцарскага філіяла», - паведамілі ў прэс-службе.
У ДТЭК таксама адзначылі, што з'яўляюцца цалкам празрыстым бізнесам і адпавядаюць дзейнам заканадаўству краіны, а таму - гатовыя прадаставіць усе неабходныя дакументы следства.
Як вядома, санкцыі ў дачыненні да былых украінскіх службовых асоб уведзеныя ў многіх еўрапейскіх краінах. Паводле ацэнак новага кіраўніцтва краіны, Януковіч вывеў у афшорныя рахункі каля $70 млрд., пакінуўшы дзяржаўную казну пустой і абрабаванай.