У гаджэтаў Apple з'явяцца дастасаванні ад Microsoft Office
1- 17.03.2014, 12:29
- 5,612
Кампанія Microsoft у хуткім часе можа прадэманстраваць шэраг дастасаванняў Office для прылад ад кампаніі Apple.
Дастасаванні ад Microsoft для аперацыйнай сістэмы iOS ужо цалкам напісаныя і гатовыя да выпуску. Ужо некалькі гадоў інвестары настойвалі на адаптацыі офісных дастасаванняў для Apple і Google, паведамляе piter-piter.ru.
Новы офісны пакет для iOS павінен стаць адным з галоўных гульцоў на рынку, паколькі змяшчае шэраг карысных і важных функцый у спалучэнні з інтуітыўна зразумелым і зручным інтэрфейсам.
Microsoft вырашылі тэрмінова нагнаць упушчанае, бо ўжо існуе папулярная праграма для iPad пад назвай Quip, якая мае ўсе офісныя магчымасці.